Azərbaycan Dövlət Pedaqoji Universitetinin (ADPU) Şamaxı filialında keçirilən bütün tədbirlər Ulu Öndər Heydər Əliyev ideyalarının, uzaqgörənliyinin bəhrəsi kimi qeyd edilir, onun həyat və fəaliyyəti şəxsiyyətinə ehtiram və hörmət hissi ilə gənc nəslə örnək göstərilir.
Bu il də anadan olmasının 98-ci ildönümü münasibətilə keçirilən silsilə tədbirlərin davamı olaraq mayın 6-da filialın rəhbərliyi, professor-müəllim heyəti və tələbələri Ümummilli liderin Şamaxı şəhəri Heydər Əliyev parkında ucaldılmış abidəsini ziyarət etdilər. Ziyarət zamanı abidə önünə tər güllər düzüldü və Ulu Öndərin ruhuna ehtiram hissi ifadə olundu.
